نشيد قدّاس شهداء المقاومة اللبنانية 2025
- مشيو وسلاحن إيمانن
نزلو ع الساحة بإيمان
وِسع الحريّة ميدانن
وأرزتهن تاج الميدان
حميو بأرواحن لبنانن
وتيبقى ترابو منصان
نقلو ع السما عنوانن
وترابن ضلّ بلبنان
- راحو.. وزغارن بِ دارن
وزغارن متلن بالذات
هني ذاتن.. كبرو زغارن تَ صارو متلن.. قوات
- لبنان لعَنّو حاربنا
بإيمان وْقوّة وعناد
صمدنا وحرّيتنا كُتبنا
بدمع ودمّ وإستشهاد
عتم الليل القاسي غْلَبنا
وقفنا وسطّرنا الأمجاد
ولو عاد الليل يجرّبنا
كلّ الأمجاد بتنعاد
- ولسبقونا بشهادتهن
ما ماتو .. وْلا وَعدن مات
بإيدينا بقيت رايتهن
وبقينا متلن قوّات..
- هلّق بعد سنين عتاق
عم يخلق لبنان جديد
والقوات رفاق رفاق
وقلب بقلب وإيد بْإيد
بالسلم بتبني بأخلاق
وللحريّة بتعمل عيد
كلما وسع النخوة ضاق
بتعطي من قلبا وبتزيد
- ولسبقونا بشهادتهن
ما ماتو.. وْلا وَعدُن مات بْإيدينا بقيت رايتهن
وبقينا متلن قوّات
كلمات: نزار فرنسيس
ألحان وتوزيع: ميشال فاضل
